livemarks sitemap
Երկուշաբթի, Մայիսի 30, 2016

- Մի քանի ամիս է` մայրս տառապում է անմիզապահությամբ, չի ցանկանում այցելել բժշկի: Նա պնդում է, որ իր մոտ պարզապես ցիստիտ է:

ՌԱՖԱՅԵԼ ԲԱԴԱԼՅԱՆ,

բ.գ.թ., ուրոլոգ

- Կանանց մոտ հաճախ են պատահում անմիզապահության երեւույթներ: Պետք է պարզել պատճառը: Հնարավոր է` հիմքում  բորբոքային որեւէ հիվանդություն է, որոնցից մեկը` միզապարկի բորբոքումն է, ժողովրդի լեզվով ասված` ցիստիտը: Այն հարկ է տարբերել անմիզապահությունից: Վերջինս կարող է զարգանալ` անկախ առկա բորբոքումներից: Կինը, հնարավոր է, միզուղիներում, ընդհանրապես չունենա բորբոքային պրոցես, բայց ունենա անմիզապահություն: Անմիզապահության երկու ձեւ են տարբերում` հարկադրող եւ սթրեսային անմիզապահություն, չշփոթել հոգեկան սթրեսների հետ: Միզապարկի համար սթրես կարող է հանդիսանալ հազը, փռշտոցը, ծիծաղը, սեռական ակտը, որի ժամանակ միզապարկը չի կարողանում պահել մեզը, քանի որ նրա վրա ազդում է ավելի բարձր որովայնային ճնշումը, եւ մկանները, որոնք կոչված են պահելու մեզը,  չեն կարողանում պահել, ինչի հետեւանքով որոշակի քանակությամբ մեզի արտահոսք կարող է լինել: Սթրեսային անմիզապահությունը ավելի շատ բնորոշ է ծննդաբերած կանանց, ծանր աշխատանք կատարող կանանց, կարող է ի հայտ գալ որոշ վիրահատություններ տարած եւ ավել քաշ ունեցող կանանց մոտ: Ի տարբերություն վերոնշյալ տեսակի, հարկադրող անմիզապահության ժամանակ, անկախ մեզի քանակից, կարող է միզելու ցանկություն առաջանալ: Միզապարկում այն մեծ դժվարությամբ է պահվում: Շատերին դա խանգարում է, քանի որ գտնվում են, ասենք, աշխատանքի վայրում կամ տանից դուրս: Երբեմն ստիպված են լինում արթնանալ նաեւ գիշերը:  Եվ քանի որ այդ նշանները միզապարկի բորբոքմանը շատ նման են, որի ժամանակ նույնպես առաջանում է հաճախամիզություն, մարդիկ շփոթում են մեկը մյուսի հետ: Ի տարբերություն սթրեսային անմիզապահությանը, հարկադրող անմիզապահության ժամանակ միզարձակությունը ուղեկցվում է մրմռոցով, այրոցներով: Մեզի անալիզը, մեզի ցանքսը  (բակտերիոլոգիական անալիզը) հնարավորություն են տալիս  տարբերել անմիզապահության երեւույթները միզապարկի բորբոքումից: Ասեմ, որ կանայք ինքնուրույն կարող են որոշակի պրոֆիլակտիկ միջոցներ ձեռնարկել, սակայն մինչ այդ անհրաժեշտ է դիմել մասնագետի եւ պարզել պատճառները, տվյալ դեպքում` բժիշկ-ուրոլոգի:

 

- Սեռական հարաբերությունից հետո երկար ժամանակ տառապում եմ անքնությամբ, իսկ ամուսինս խոր քուն է մտնում:

ՄԱՐԱՏ ԶԱՔԱՐՅԱՆ,

բ.գ.թ., ԵՊԲՀ սեքսոլոգիայի ամբիոնի դոցենտ, սեքսապաթոլոգ, հոգեթերապեւտ,

- Ճիշտ պատասխան տալու համար հարկ է ճշտել նախ ամուսինների տարիքը եւ թե որքան ժամանակ են համատեղ ապրում: Ինչպես նաեւ պարզել` արդյո՞ք ամուսնու մոտ չկա էրեկցիայի թուլացում, վաղաժամ սերմնաժայթքում: Հարկ է պարզել նաեւ կնոջ սեռական ցանկության աստիճանները` բարձրացում (հիպերսեքսուալիա), նվազեցում: Նախնական եզրակացությունը հետեւյալն է` ամուսնական կյանքում, հավանաբար, առկա է աններդաշնակություն: Ընդունված է տարբերել աններդաշնակության մի քանի տեսակներ: Առաջինը սոցիալ-հոգեբանական աններդաշնակությունն է: Սա այն դեպքն է, երբ զույգերի մոտ բացակայում է փոխադարձ սերը, հարգանքի զգացումը, տարբեր են բնավորության գծերը, հետաքրքրությունները: Երկրորդ տեսակը սեռավարքային աններդաշնակությունն է, այսինքն` զույգի սեռական վարքը անկողնում: Սեքսոլոգիայում գոյություն ունի «թույլատրելի օղակ» հասկացությունը, այն է` անկողնում ամուսինները  սիրախաղի ժամանակ մեկը մյուսին որքանո՞վ են համապատասխանում: Երրորդ տեսակը, որի հետեւանքով, ինչպես առաջին եւ երկրորդ դեպքերում կարող են ի հայտ գալ սեռական խանգարումներ, ամուսինների չիմացությունն է սեռական ոլորտի մասին, սեռական ակտի տեխնիկայի, օպտիմալ գործողությունների չիմացությունը սեռական ակտի կատարման ավարտական փուլում (այստեղ սիրախաղի որոշակի շարունակություն պետք է տեղի ունենա): Այս կարգի աններդաշնակության արդյունքում չի բացառվում, որ տղամարդու մոտ հետագայում զարգանա Էրեկցիայի թուլացում, իսկ կնոջ մոտ` ավերսիա (սեռական ակտի նկատմամբ զզվանք): Եթե սեռական ակտը ոչ բավարար է լինում, այսինքն` կնոջ մոտ չի առաջանում լիցքաթափում (սեռական, հոգեկան, ֆիզիկական), ժամանակի ընթացքում կարող է առաջացնել նեւրոտիկ ռեակցիաներ, իսկ հետագայում նաեւ` նեւրոզ հիվանդություն, որին բնորոշ է գրգռված վիճակը, տագնապը, անքնությունը, ընդհանուր թուլությունը եւ անհարմարավետության` դիսկոնֆորտի զգացողությունը: Սեռական աններդաշնակության կանխարգելման, բուժման համար խորհուրդ է տրվում այցելել հոգեթերապեւտի, սեքսապաթոլոգի:

Ներկայացրեց ՎԼԱԴ ՄՈՒՐԱԴՅԱՆԸ

 

Հ.Գ. Հարգարժան ընթերցող, այսուհետ հնարավորություն ունեք Ձեզ հուզող հարցերն ուղղել մեր խմբագրություն` հաջորդ համարում ստանալով համապատասխան մասնագիտական խորհուրդներ:

 

# Alvard 2016-01-19 12:56
Dzerqeris shrjanum ev matneris aranqum unem qori zgacoxutyun orva tarber jameri!nshvac hatvacnerum voch mi tesaki canavorum chka inch@ karox e linel patchar2
Պատասխանել | Պատասխանել մեջբերումով | Մեջբերել
# ANNA 2016-01-26 12:28
BAREV DZES.HARGELI BJISHK IM @NKER@ SHAKANAKAGEXZI BORBOGUME UNECEL BUJVEL E EV HIMA NORIC E SKSVUM MOT2 XNDRUM EM ASEQ DA XRONIK HIVANDUTYUN E TE VOCH ASEM VOR NA 28TAREKAN E EV AMUSNACAC CHE .HNARAVOR E VOR DA EL KAP UNI QANI VOR NA SERAKAN HARABERUTYUN HACHAX CHI UNENUM .....SHNORHAKALUTYUN NAXAPES XNDRUM EM VOR PATASXANEQ ANPAYMAN
Պատասխանել | Պատասխանել մեջբերումով | Մեջբերել

Մեկնաբանել


Անվտանգության կոդ
Վերաբեռնել

TOP 20

Նորություններ

Արդեն կրպակներում

Հումոր

humor

levgroup

Miss & Mister Z

miss-z

Коллекции КП

Մեր էջը Facebook-ում